Hvað er einkaflugmannspróf?
Þegar þú hefur lokið einkaflugmannsnámi færðu réttindi til þess að fljúga með farþega og flugvél með allt að
5700 kg hámarksmassa. Einkaflugpróf er fyrsta skrefið til atvinnuflugnáms, einnig er einkaflug frábært áhugamál og er fjöldi manns á
Íslandi sem hefur flug einungis sem áhugamál
Hvað er solo (einflug)?
Þegar flugkennari telur nema vera orðinn nógu færan til að fljúga einan er hann sendur í solo, þ.e. þá fer nemandinn einn, en undir
eftirliti kennara. Þegar því er lokið sækir nemandinn um solo-skírteini hjá Flugmálastjórn Íslands. Eftir það flýgur
nemandi ýmist einn eða með kennara, en alltaf undir eftirliti kennara. Kennarinn ákveður hvaða æfingar flugneminn á að framkvæma í hvert
skipti og kvittar fyrir í skírteini hans.
Hvað þarf marga flugtíma fyrir solopróf?
Lágmarks tímafjöldi til að fara í fyrsta soloflugið eru 12 flugstundir með kennara en yfirleitt fer það upp 15 flugtíma. Nemandi fer aldrei solo
fyrr en kennari er fullviss um að hann sé hæfur til þess að gera allt sem þarf á eigin spýtur
Hvað þarf marga flugtíma fyrir einkaflugpróf?
Lágmarkstímafjöldi eru 45 flugtímar, reikna má með 50 flugtímum
Hvað tekur þetta langan tíma?
Bóklegt námskeið tekur um 12 vikur. Hægt er að klára verklegt nám á 2-3 mánuðum en fer allt eftir nema, Nemandinn ræður
ferðinni sjálfur. Algengur tími er 6-12 mánuðir frá upphafi náms og þar til nemi útskrifast sem einkaflugmaður.
Hvað kostar einkaflugnámið?
Hjá Flugskóla Akureyrar kostar allt einkaflugnámið um 1.018.580 kr og er það afsláttarverð þar sem miðað er við að nemandi geri
námssamning við Flugskólan fyrir öllu náminu í gegnum námsmannalínu Landsbankans. Innifalið í verðinu eru 45 flugtímar, laun
flugkennara og bóklegt námsskeið/námsskeiðsgögn. Rukkað er af námslínu mánaðarlega eftir framvindu námsins, ekkert greitt
fyrirfram. Ekki er innifalið í verðinu próftökugjöld hjá Flugmálastjórn Íslands né bókleg kennsla fyrir og eftir
flugtíma.
Hvaða bókleg próf þarf að taka ef skírteinið hefur runnið út í lengri tíma?
Verklagsregla um kröfur á bóklegum prófum ef einkaflugmannsskírteini hefur runnið út í
lengri tíma. (word skjal)
